Chivite tiene el triste honor de ser la única presidenta que valora el alemán y no el euskara en las convocatorias de la zona mixta.

Así lo ha hecho en el último concurso de bomberas y bomberos (Boletín Oficial de Navarra del 25 de agosto). En dicha convocatoria se especifica que el alemán, francés e inglés se valorarán como mérito en toda Navarra, y el euskara solo en la zona vascófona (Anexo I, apartado C).

Según ha adelantado el Gobierno de Navarra, por ahí irán los tiros en el nuevo Decreto del Euskara, si es que alguna vez se termina por aprobar en esta legislatura.

Recientemente vecinas y vecinos de Villafranca han denunciado que los audios elaborados por el Ayuntamiento para explicar el Barroco de la localidad están únicamente en castellano, inglés y francés. Chivite tendrá que tomar cartas en el asunto urgentemente. ¡No han incluido el alemán!

Txibite eta suhiltzaileen deialdia

Txibite da Nafarroako eremu mistoan alemana baloratu bai eta euskara baloratu ez duen lehendakari bakarra. A zer meritua!

Halaxe egin du suhiltzaileen azkeneko lehiaketan (2021eko abuztuaren 25eko Nafarroako Aldizkari Ofiziala). Bertan, zehazten da alemana, frantsesa eta ingelesa Nafarroa guztian baloratuko direla merezimendu gisa, eta euskara, aldiz, eremu euskaldunean bakarrik (I. eranskina, C atala).

Euskararen Foru Dekretu berria ere, baldin legealdi honetan azkenik onesten bada, ildo horretatik joanen omen da, Nafarroako Gobernuak aurreratu duenez.

Berriki, Alesbesko herritar batzuek salatu dute beren herriko eraikin barrokoei buruzko audioak prestatu dituela Udalak, gaztelaniaz, ingelesez eta frantsesez bakarrik. Txibite lehendakariak esku hartu beharko du istantean. Ez dute alemanez jarri!

https://bon.navarra.es/es/anuncio/-/texto/2021/199/1

ADMINISTRAZIOAN EUSKARAZ TALDEA

Iruñeko Haur Eskolek abuztuaren 16an hasi zuten ikasturte berria. Iruñeko Udalak eta Nafarroako Gobernuak duten euskarazko eskaintza eskaeraren oso azpitik dago.

Euskarazko eskaria % 40’77 izan zen euskarazko eskaintza izan zuten auzoetan edo adin taldeetan, nahiz eta Txantrean eta Arrotxapean erosoago izan gaztelania aukeratzea (haur eskola gehiago egoteagatik erdaraz). Nola iritsi gara emaitza horretara? Hona hemen.

Euskarazko eskaintza izan zen Arrotxapean, Txantrean, Sanduzelain, Alde Zaharrean, Buztintxurin (soilik bularreko haurrentzat eta «ibiltariak» deitutakoentzat) eta Arrosadian (hor ere soilik bularreko haurrentzat eta «ibiltariak» deitutakoentzat). Txantrean hiru haur eskoletatik bakarra da euskaraz, eta Arrotxapean bi haur eskoletatik erdia. Gauzak horrela, euskarazko eskaintza izandako auzoetan edo adin taldeetan plazen % 39’88 ziren euskaraz eta % 60 baino gehiago gaztelaniaz (ingelesarekin edo gabe). Zein izan da gurasoen hautua auzo horietan? Gurasoen % 40’77k euskarazko haur eskola aukeratu zuen. Portzentaje handiagoa izan zen Alde Zaharrean (gurasoen % 50’98k) eta Txantrean (gurasoen % 50’39k, nahiz eta euskarazko haur eskola bakarra izan eta gaztelaniazkoak bi).

Beste auzoetan, euskarazko eskaintzarik ez zuten auzoetan, gurasoek ez zuten euskara aukeratzerik izan, bistan da (Mendebaldean, Mendillorrin, Azpilagañan eta Donibanen). Arrosadiko eta Buztintxuriko haur handienen bi taldeetan ere ez zen euskarazko eskaintzarik, eta, beraz, gurasoek ez zuten aukeratzerik izan.

Datuek erakusten dutena oso argia da: Euskarazko eskaintza urria da, eta auzoen arabera desorekatua. Eta, eskaera-eskaintza gorabehera, eskubidea da euskarazko haur eskolak izatea Iruñeko auzo guztietan.

Aipatzekoa da, bestalde, Donibaneko haur eskolan kendu eginen dutela euskarazko eskaintza, nahiz eta mantenduko zaien aurreko ikasturtean euskaraz hasitakoei.

Egoera aldatzeko, borroka eta mobilizazioa beharko dira.

Administrazioan Euskaraz Taldea