Noticias / Berriak

Uztailak. 12, Sanferminetan Kantari Iruñean

Sanferminetan-Kantaria
Tras un año de parón, vuelve a las calles de Pamplona/Iruñea la tradicional «Kantujira» sanferminera, «SANFERMINETAN KANTARI», organizada por esta Fundación.
La cita será el día 12 de julio, sábado, a las 12 del mediodía, desde la trasera del ayuntamiento de Pamplona/Iruñea. Recorrerá distintas calles del Casco Viejo, contribuyendo con sus canciones a remarcar el carácter euskaldun de nuestras fiestas más populares.
Terminará con una comida popular en la Plaza de San José, junto a la Catedral, con una sobremesa en la que habrá música, se cantará, intervendrán bertsolaris, se danzará. No dejes el apuntarte a la comida para última hora. Las plazas de la comida son limitadas.
Sanferminetan Kantari 2025 eusk
Urtebeteko geldialdiaren ondoren, Iruñeko kaleetara itzuliko da Fundazio honek antolatutako «SANFERMINETAN KANTARI», sanferminetako «kantujira» tradizionala.
 
Hitzordua uztailaren 12an izango da, larunbata, eguerdiko 12etan, Iruñeko udaletxearen atzealdetik. Alde Zaharreko hainbat kale zeharkatuko ditu, bere abestiekin gure jai herrikoienen izaera euskalduna azpimarratzen lagunduz.

Amaitzeko, bazkari herrikoia egingo da Katedralaren ondoan dagoen San Jose plazan. Bazkalondoan musika egongo da, abestu egingo da, bertsolariek parte hartuko dute, dantzatu egingo da. Ez utzi izen-ematea azken ordurako. Mahaikideen kopurua mugatua da.


 

Mugaz gaindi euskarak eta euskal kulturak batu ditu nafarrak Baigorrin

Nafarroaren Eguna Baigorrin

Nafarroaren Eguna ospatu dute beste urte bataz Baigorrin, 1979tik egiten duten legez. Nafarroa Beherea eta Nafarroa Garaia mugaz gaindi euskal kultura eta euskararen bitartez elkartzen dituen jaiak euriari aurre egin dio.

Nafarroaren Eguna Baigorrin

Euripean, baino tinko ospatzen ari dira Baigorrin Nafarroaren Eguna ‘Kateekin ateak hautsi lelopean. 1979tik antolatzen da besta hau Basaizea elkarteak bultzatzen duen Kulturaldiari amaiera ipintzeko. Nafarroa Beherea eta Nafarroa Garaia euskal kulturaren eta euskararen bidez uztartzen dituen egun berezia.Basaizea elkarteak nabarmendu duenez, 1979tik hona gauza anitz aldatu dira, baita euskal kulturari dagokionean. «Gure aldarrilkapen katea aldiz, nahiz eta denboran zehar aldatzen den, ez da sekula moztu», azpimarratu dute.

«Kateak erasotzeko etengabeko saiakerak gauzatu dituzte azken hilabeteetan. Gure balore kateak suntsitu nahi izan dituzte iaz, Nafarroaren Egunean emaniko LGBTIK+ bandera urratuz. Eskuin muturrak eta faxismoak geroz eta indar eta leku gehiago hartzen duen heinean, kateak lot ditzagun!», gaineratu dute.

«Indibidualismoa zabaldu, eta gure arteko kateak hautsi nahi dituzte, baina guk, norberaren etxeko ateak hautsi eta erasoen kontra batzeko deia zabaltzen dugu, elkartasun kateak lotuz. Euskararen kateek nehoiz baino indar gehiago
behar dute, gure hizkuntzaren kontrako erasoei aurre egiteko eta dena delako oldarraldiari katez-kateko erantzuna emanez», adierazi dute Nafarroaren Egunaren antolatzaileek.

Faxismoaren gorakada ere gogoan izan dute Baigorrin. «Lurrak, bizitzako lehen kateak ere faxismoaz sufritzen du azken urteetan. Geroz eta zentimetro karratu amankomun gutiago eta jabetza pribatu gehiago kateatzeko asmoz, sistema kapitalistaren ateak paretak bilakatzen ari dira. Kateekin ateak hauts ditzagun, norberaren mugaren ateak eta norberaren nahitik engaiamendu kate kolektibo eta oso bat sortu ditzagun faxismoaren diskurtsoak suntsituz, euskararen kontrako jarrera oldarkorrak salatuz eta lurraren suntsitzea oztopatuz», aldarrikatu dute.

Gara