Kantak eta Karrika Dantzak

Sei urteren ondotik, Nafarroako Euskal Kantu Txapelketa berriro martxan

euskal_kantu_txapelketa_2016

euskal_kantu_txapelketa_2016


Euskal Kantu Txapelketan euskarazko kantuen sorta polit batez gozatzeko aukera izaten zen, zuzeneko emanaldi bikainetan herritar arruntek abestuta.

Krisialdiarekin, alabaina, desagertu egin zen hura antolatzeko diru-laguntza, eta horrenbestez, sei urte baino gehiago igaro dira dira azken edizioa egin zenetik. Bultzada ematea erabaki dugu eta, Nafarroako Kantuzale Elkartearen eskutik, 2016ko Nafarroako Euskal Kantu Txapelketa antolatzeari ekin diote. Txapelketa irekia da; abestiek euskaraz behar dute, horixe baldintza bakarra. 16 urtetik gorako edonork har dezake parte, banaka, binaka edo taldean (zuzendaririk gabe). Euskal kantu zaharrak, gaur egungoak zein norberak sortutakoak abes daitezke, a cappella, musika-tresnez zuzenean lagunduta, edo audioren bat atzeko soinu bezala erabiliz.

Lehenbiziko saioa azaroaren 5ean egin zen Antsoainen. Hurrengoa, azaroaren 13an, 18:00etan Burlatako Kultur Etxean izango da. Azkenik, finala azaroaren 27an, 18:00etan Tafallako Kulturgunean.


 .

Euskal Kantuzen berriak

Iruñean Kantuz 1

Iruñean Kantuz 1


BIHAR, LARUNBATA GAUEAN, (Azaroak 12), Euskal Herria Kantuz eguna Donostiako SAIOA eskainiko dute Euskal Telebistan… ZABALDU MEZUA!!

  • Nafarroako kantu txapelketaren II. saioa Burlatan, igandean.
  • Sakanako kantagintza ahotsak kontzertua Altsasun.
  • «Nafar aire zaharretan» III. eta IV. kantu bildumaren aurkezpena azaroaren 22an Iruñean.
  • Gabonetako ETBko «herri txiki kantari» saioa grabatzeko kantu taldea behar dute.
  • Gaur kantari handi bat hil da, Leonard Cohen… goian bego.

Besterik gabe, betikoa esaten dizuet… bidali informazioa, irudiak, bideoak eta gure blogaren bitartez zabalduko dugu. Gora zuek!!!