20/10/16. Xalbadorren eguna 2018.

xalbador

xalbador


Aurtengo Xalbadorren eguna, 2018ko urriaren 20an eta 21ean egingo da Urepelen, Deiadarra taldeak antolatuta, 2004 urteaz geroztik beti egin den bezala.


Xalbador bertsularia ez ezik, bertsulariak eta euskal kultura munduko beste pertsona ezagun asko gogoratu eta omendu izan da hamalau urte horietan, eta hamabostgarren honetan omenduko dira:

–Joanes Arrosagaray (Aintzile, 1949 – 1998)

–Ernest Alkat (Iholdi, 1951 – 2008)

–Fermin Mihura (Azkaine, 1946 –2013)

Bat-bateko bertsulariak ziren, eta bertso idatzi asko irakurleari emanak. Besteak beste, hor dira Auspoa sailean, Bihotz barneko solasak (Auspoa 303, Arrosagaray), Ene ezkilen dangak (Auspoa 307, Alkat), eta Bertsuaren eremua (Auspoa 335, Mihura).

    Gazterik hil ziren hirurak ere, baina fruitu onak emanik.

DEIADARRA ELKARTEA

2004ko urriaren 1ean sortu zen, Xalbadorren eguna urteoroz antolatzeko asmoz, aitzineko urteetan egin zen bezala, euskal izpiritu berdin berdinez.

Gure lehenengo lana 2004ko Xalbadorren egunaren antolaketa izan zen, eta hamaborzgarrenurtez egingo dugu aurten.

Deiadarra elkartearen helburuak berdin jarraitzen dute orai ere: Euskal nortasuna eta Xalbadorrek utzi zaukun mezua bizirik atxikitzea nahi dugu Euskal Herri osoan.

Deiadarra elkartea, Xalbadorren “Ama Euskal Herria” bertsuetan oinarrituz sortu zen besteak beste, eta elkartearen izena hortik dator:

Baditaike seme hok noizbait orroitzea,
ama, zu ganik izan dugula sortzea;
guhaurek bilaturik zure ehorztea,
jasan beharra dugu gaztigu dorpea.

Hil hobi huntan noizbait norbait balabila
zure izaitearen herrestoen bila,
lurpetik entzunen du deiadar bipila:

Hemen dago ama bat bere haurrek hila!


2018ko Xalbadorren eguna – Egitaraua

Xalbador eta gai berezi bat hartu dugu urteoro, berarekin kantatu edo loturaren izan duena. 2005ean, “Xalbador eta mendia” gaia hartuta antolatu genuen asteburua. Beste batean, “Xalbador eta diaspora”; “Xalbador eta Mattin”; “Xalbador eta Zavala” “Xalbador eta Xanpun”, “Xalbador eta Xavier Lete”, “Xalbador eta Etxahun Iruri”, “Xalbador eta Emile Larre eta Teodoro Hernandorena, Jon Azpillaga…

Aurten, esan bezala iparraldeko hiru bertsulari omendu nahi ditugu Xalbadorrekin batera, bertsularitza eta Euskal kulturaren alde hainbat lan egin baitzuten. Hori dela-eta asteburu hunkigarria antolatu dugu aurten ere Urepelen, urriaren 20 eta 21erako.

Egitaraua:

Urriak 21, larunabata

21:00: Kontzertua, Urepeleko elizan, Baigorriko Lagun Alai koruaren emanaldia.

22:30 ondotik afaria eta euskal musika, ezker paretan.

Urriak 22, igandea

09:00: Xalbadorren etxolara mendi ibilaldia, etxola eta Urepel ezagutuz

10:30: Meza

11:15: Hitzaldia, Ernest Alkat, Joanes Arrosagaray eta Fermin Mihura gogoratuz, Urepeleko eskolan.

11:30tik goiti:  Bilboko SALBATZAILE dantza taldearen saioa

13:00 Herri kirolak. Herriko plazan zoin gehiagoka Donazaharre (Baxe Nafarroa) eta Mutrikuko (Gipuzkoa) taldeak.

Ikusgarria: sokatira, sega, orga altxatzea eta lasto altxatzea

14:00: Bazkaria eta bertsoak, pilotalekuan

15:30 Haurren txokoa: aurpegi-pintatzeko taillerak.

Ondotik bertsulariak: Amets Arzallus, Xebastian Lizaso, Juan Joxe Eizmendi Loidisaletxe, Jose Luis Gorrotxategi eta Xan Alkat gaztea

17:30: Erromeria, trikitilariekin.

Nahi duenarentzat kanping zerbitzua izango da Urepelen bertan, edo hoteleletan. Erreserba egiteko gurekin harremanetan jarri 0033624332995 telefonora deituz.

Laguntzaileak

Gure laguntzaileak eskertu nahi ditugu behin eta berriro, egun hau ezingo bailitzake antolatu bere laguntzarik gabe:

Urepeleko herriko etxea.       Bizkaiko Aldundia.        Euskadi irradia.

 

2018 ko Irailaren 29ean

DEIADARRA elkartea

Tel: 0033 6.24.33.29.95

E-mail:itxabe@yahoo.fr